მინდოდა

 

   რომ გავიცანი და მთელი მომდევნო კვირა სანამ მეორედ ვნახავადი, როცა მე მის უკან მივდიოდი,  როცა  გვერდით მეჯდა, როცა ველოდებოდი, როცა ფიქრობდა ხელზე  ”სახეჩამოყრდნობილი”, როცა ტბაზე სიცივეში გარეთ ვისხედით და ცხელ ჩაის ვსვამდით, როცა პირველად მითხრა, რომ ჩემთან უნდოდა,  როცა   წასვლაზე მელაპარაკებოდა გაბრწყინებული თვალებით, როცა ვუთხარი, რომ არაფერი გამოვიდოდა, როცა უჭირდა, ძალიან, როცა ჩემთან არ იყო და მაშინაც როცა ჩემთან იყო, ყოველდღე და დღეში უამრავჯერ, ყოველთვის როცა მის ზურგს ვხედავდი მინდოდა .........

ცამეტიდან ცამეტამდე... უკვე ერთი თვეა.

ვერ მოვასწარი

შენი გაცნობა კარგად, მეგობრობა, სვანეთში წასვლა ერთად, ჯაზ-ფესტივალზე დასწრება, მანქანის ტარება, ერთად დასვენება, ჩახუტება, მოგზაურობა, შენთან ჩამოსვლა, ბევრის თქმა, ნუცის გაცნობა,  სიყვარული თუმცა არა სიყვარული მოვასწარი და მიხარია.